ቅርንጫፍ ጽ/ቤት በደህና መጡ 

#ኮልፌ_ወረዳ_11_ፓርቲ ሚዲያ ሰኔ 13/2017 ዓ.ም

የኮልፌ ቀራንዮ  ክ/ከተማ  ወረዳ 09 ብልጽግና ፓርቲ ቅርንጫፍጸ/ቤት  አመራሮች  በኮልፌ ቀራንዮ  ክ/ከተማ  ወረዳ 11  በመገኝት የልምድ ልውውጥ  አካሄዱ።

ልምድ ልውውጡ በወረዳው አስተዳደር እየተሰሩ ያሉ የሪፎርም ስራዎች ፣ ምቹ ሁኔታን ከመፍጠር አንፃር የተሰሩ የቢሮ እና የምድረ ጊቢ የማስዋብ ስራዎች፣ አገልግሎትን ለማዘመን የተሰሩ የቴክኖሎጂ ስራዎችን እና በወረዳ አስተዳደሩ እየተሰሩ ያሉ የሌማት ትሩፋት ስራዎችን ያካተተ ነው።

አቶ ሁሴን ቢሉ  የወረዳ 11 ዋና ስራ አስፈፃሚ ፅ/ቤት ሀላፊ በወረዳው  የተከናወኑ ስራዎችንተግባራቱም በክፍለ ከተማው ድጋፍ፣ በወረዳው አጠቃላይ አመራር እና የተለያዩ የህብረተሰብ ክፍሎችን በማሳተፍ ሰፊ ስራ እየተሰራ መሆኑን ገልፀዋል።

በወረዳው የመጨረሻ ምዕራፍ ላይ የደረሰው  ለአገልግሎት አሰጣጥ ምቹ ሁኔታ ለመፍጠር ምድረ ግቢ ግንባታ ፣አጠቃላይ የሪፎርም ተግባራትን እና የሚሰጣቸውን አገልግሎቶች እንዴት እያከናወኑ እንደሚገኙና ለየት ያሉ የአሰራር ሂደቶችን የሚያሳይ ተግባራት በመስክ ምልከታ ጭምር  ልምድ ልውውጥ ተደርጓ

more

የኮልፌ ቀራንዮ ክፍለ ከተማ ወረዳ 09 ብልፅግና ፓርቲ ቅርንጫፍ ጽ/ቤት በኮልፌ ቀራንዮ ክፍለ ከተማ  ክፍለ  ወረዳ 11 ብልፅግና ፓርቲ ቅርንጫፍ ጽ/ቤት በመገኘት  ልምድ ልውውጥ አደረገ።

በልምድ ልውውጡም የወረዳው ፓርቲ ኮሚቴ አመራሮች፣ በተገኙበት  ከአባላት ምልመላ፤ ወርሃዊ መዋጮ፤ ህገ-ደምብ ውይይት፣ ቢሮ ማዘመን፣ የቤተሰብ ዉይይት፣ የመረጃ አያያዝ ከማዘመን፣ የሚዲያና የህዝብ ግንኙነት፣ የኢንስፔክሽንና ሥነምግባር ኮሚሽን ስራዎች እና ሌሎች የዉስጠ ፓርቲ ስራዎች ያላቸውን ጥሩ ተሞክሮ የጋራ ልምድ ልውውጥ አድርገዋል።

የኮልፌ ቀራንዮ ክፍለ ከተማ ወረዳ 09 የብልፅግና ፓርቲ ቅርንጫፍ ጽ/ቤት ኃላፊ አቶ አሌክሳንደር ዝናቡ ልምድ ልውውጦች እርሰ በርስ ለመማማር  እና የተሻሉ ውጤቶች ለማስመዝገብ ትልቅ ድርሻ እንዳላቸው ገልፀዋል።

የኮልፌ ቀራንዮ ክፍለ ከተማ ወረዳ 11 የብልፅግና ፓርቲ ቅርንጫፍ ጽ/ቤት ኃላፊ አቶ አበባዉ ምህረት የፓርቲ ስራዎች ከተግባር አፈጻጸም ጋር በማናበብና በማስተሳሰር የፕሮጀክት እና የልማት ስራዎችን በተግባቦት በመስራት ውጤታማ ለማድረግ የተሰሩ ስራዎች ልምድ የሚወሰድባቸው መሆናቸውን ገልጸዋል።

ሰኔ 13/2017ዓ.ም ወረዳ 11 ፓርቲ ሚዲያ 

more

በኮልፌ ቀራኒዮ  ክፍለ ከተማ ወረዳ 11 አጠቃላይ አመራር በተገኙበት የቀጣይ የክረምት 3ኛ ዙር የ90 ቀናት የንቅናቄ ስራዎች እቅድ ዙሪያ ውይይት ተካሂዷል።

ይህ ተግባር ካለንበት ሰኔ ወር እስከ ጳጉሜ 5/2017 ዓ.ም ህብረተሰቡን በማሳተፍ የሚከናወን ሲሆን ተግባራቱ በዋናነት በስራ እድል ፈጠራ እና በሌማት ቱሩፋት ስራዎች ያካተተ ነው።

የወረዳው ብልጽግና ፓርቲ ቅርንጫፍ ጽ/ቤት ኃላፊ  አቶ አበባው ምህረት እንደገለፁት በእቅዱ ዙሪያ በሰጡት ማብራሪያ የንቅናቄ ተግባራቱ እየተገባደደ ባለው በጀት ዓመት ስናከናውናቸው የነበሩ መሆኑን እና በቀጣይ የንቅናቄ ስራውን በዉጤት ልናከናውን ይገባል ብለዋል።

የኮልፌ ቀራኒዮ ክፍለ ከተማ ወረዳ 11 አስተዳደር ም/ዋና ስራ አስፈጻሚ እና የስራና ክህሎት ፅ/ቤት ሀላፊ አቶ  ቶፊቅ በድሩ  እንደገለጹት ወረዳችን በዉጤት የታጀበ የተግባር አፈፃፀም ላይ እንደሚገኝ ጠቅሰዉ ይህን ንቅናቄ ዉጤታማ ለማድረግ የ90 ቀናት የሶስት ወራት እቅድ በማዘጋጀት እና የጋራ በማድረግ ወደ ስራ ሊገቡ እንደሚገባ ጠቁመው በተለይ ከስራ እድል ፈጠራ አንፃር ከ650 በላይ ወጣቶች እና ሴቶችን ተጠቃሚ ለማድረግ የታቀደ መሆኑን ገልፀው ይህንንም ተግባር ለማሳካት ሁሉም የአስተግባሪ ተቋማትና ሴክተር መስሪያ ቤቶች እንዲሁም በብሎክ ደረጃ የተሸነሸነ እቅድ ቀርቧል፤ በቀጣይም በተቀመጠው መረሀ ግብር መሰረት በሁሉም ብሎኮች የግንዛቤ ማስጨበጫ ውይይቶቾ እንደሚቀጥሉ ገልፀዋል።

በመጨረሻም አመራሩ የህብረተሰቡን ጥያቄ በሚመልስ ሁኔታ በልዩ ትኩረት በመንግስት ታቅደው እየተተገበሩ ያሉ ተግባሮችን አስተሳስሮ በመስራት የታቀደውን እቅድ ማሳካት እንደሚገባ ተገልጿል።

ሰኔ 12/2017 ዓ.ም  ኮልፌ ወረዳ 11  ፓርቲ ሚዲያ 

more

በኮልፌ ቀራንዮ ክፍለ ከተማ ወረዳ 11 ብልፅግና ፓርቲ ቅ/ጽ/ቤት በአደረጃጀት ዘርፍ አስተባባሪነት ለአዳዲስ አባላት በሞዴል ተቋማት ግንባታ እና በፓርቲ ፋይናንስ አሰራር ላይ ያተኮረ ስልጠና ተሰጠ።

መርሀ ግብሩን በመክፈቻ ንግግር ያስጀመሩት የኮልፌ ቀራንዮ ክፍለ ከተማ ፓርቲ አደረጃጀት ዘርፍ ሃላፊ አቶ ወርቅነህ ሞርካ  ሞዴል የብልጽግና ህብረት በሞዴል ተቋማት ግንባታ እና በፋይናንስ አሰራር ዙሪያ ስልጠና መሰጠቱ ዘርፈ ብዙ ጠቀሜታ አለው ካሉ በኃላ የአዳዲስ አባሉን አቅም ማሳደግ የብልፅግናን እሳቤ ለማስረፅ ወሳኝ መሆኑን ጠቁመው የብልፅግና ተምሳሌት ሊሆኑ የሚችሉ ስራዎችን እየተሰሩ መሆኑን በመግለፅ ለዚህም የፓርቲው አዳዲስ አባላት ተግባሩን ውጤታማ እንዲሆን መስራት እንደሚገባ  ገልፀዋል።

      አቶ አሸናፊ ብርሃኑ የክፍለ ከተማ አደረጃጀት ዘርፍ ምክትል ኃላፊ ስልጠናውን የሰጡ ሲሆን በስልጠናው የሞዴል ተቃማት ግንባታ ለመፍጠር የሚያስፈልጉ በርካታ ነጥቦችን በማንሳት አዳዲስ አባላት በትኩረት በማሳወቅ በቀጣይም በዳበረ አቅም ሁለንተናዊ ተሳትፎአቸውን እያረጋገጡ መሄድ እንደሚገባ ገልፀዋል።

   ወ/ሮ ሙሉ ደስታ የክፍለ ከተማ የሰው ሀብትና ፋይናንስ ዘርፍ ኃላፊ እንደገለፁት ጠንካራ የተደራጀ በአሰራርና መመሪያ የሚመራ የፓርቲ ፋይናንስ የገቢ አሰራር ስርዓት በመከተል የፓርቲውን የፋይናንስ አቅም ማሳደግ ከዘርፉ የሚጠበቅ መሆኑን የገለፁ ሲሆን የፓርቲ ፋይናንስ አሠራር ላይ የተቀመጡ ዋና ዋና ጉዳዮች በተገቢ ግንዛቤ ተይዞ አሠራርን የተከተለ ውጤታማ ሥራ መስራት አስፈለጊ ስለሆነ እና የውስጠ ፓርቲ ጥንካሬ እየጎለበተ እንዲሄድ የሀብት ምንጭ መለየት፣ ሀብት ማሰባሰብ፣ የሀብት አሰባሰብ ሆነ አጠቃቀም አሠራር የተከተለ እንዲሆን ማድረግ አስፈላጊ ነው::

በፋይናንስ አፈፃፀም የሚጣሱ የትኛውም የአሠራር ክፍተቶች እንዳይኖሩ እና የተሻለ፣ የተቀላጠፈ አሠራር መትከል እንደሚያስፈልግ ገልፀዋል ::

በመጨረሻም በስልጠናው የተሳተፉ አዳዲስ አባላት የተሰጠው ስልጠና  አቅምን ለማሳደግ በጣም አስፈላጊ ነው ብለው አስተያየታቸውን ሰጥተዋል።

ሰኔ 11/2017 ዓ.ም ወረዳ 11ፓርቲ ሚዲያ 

more

በአዲስ አበባ የሚኖሩ የትግራይ ተወላጆች

በመዲናዋ የሚኖሩ የትግራይ ተወላጆች ለሠላም ያላቸውን ድጋፍ እና ቁርጠኝነት የሚገልፅ ሰልፍ አካሂደዋል።

ነዋሪዎቹ ለትግራይ ልማት እንጂ ዳግም ጦርነት አያስፈልግም፣ በክልሉ ያለውን ሠላማዊ እንቅሥቃሴ እና መሠል ሥራዎች በማሥተጓጎል የሚገኝ ጥቅም የለም የሚሉ እና ሌሎች መልዕክቶችን አስተላልፈዋል።

ለትግራይ እና ነዋሪዎቿ ሠላም በምንም የማይተካ መሆኑንም ሰልፈኞቹ አጽንኦት ሰጥተዋል።

ፖለቲከኞች ችግሮቻቸውን በመነጋገር እንዲፈቱ እና ለሠላም ጠንቅ ከመሆን እንዲታቀቡም አስገንዝበዋል።

ጠቅላይ ሚኒስትር ዐቢይ አሕመድ (ዶ/ር)  ከቀናት በፊት በትግርኛ ቋንቋ ባስተላለፉት መልዕክት፦ የትግራይ ክልል ሕዝብ ካለፈው ቁስሉ ሳያገግም አሁንም በጦርነት ስጋት እና ሽብር ላይ መሆኑን ገልፀው በትግራይ ልህቃን መካከል መከፋፈል መኖሩን በማንሳትም ልህቃኑ ልዩነታቸውን በመግባባትና የትግራይ ሕዝብን አንድነት በሚያረጋግጥ መንገድ ሊፈቱ እንደሚገባ መጠቆማቸው ይታወሳል። 

የብልፅግና ፓርቲ 2ኛ መደበኛ ጉባኤ በቀጣይ በትኩረት ለመስራት ካስቀመጣቸው ስምንት አንኳር ጉዳዮች ዘላቂ እና አዎንታዊ ሰላምን ማረጋገጥ ነው። ፓርቲው ዘላቂው መንገድ የሰላም መንገድ መሆኑን በፅኑ ስለሚያምን የሰላም አማራጮችን በመጠቀም የህዝብን ሰላም ለማረጋገጥ ይሰራል።

የኮልፌ ቀራንዮ ከፍለ ከተማ ወረዳ 11 ብልጽግና ፓርቲ ቅርንጫፍ ጽ/ቤት የፓርቲ ኮሚቴ የፓርቲ ተግባራት ወቅታዊ አፈፃፀም ዝርዝር ቀርቦ ያሉበትን ደረጃ መገምገም ተችሏል ።

ያሉትን ጥንካሬዎች በተሻለ መንገድ በማስቀጠል በክፍተት የታዩትን ቦታዎች በፍጥነት በማስተካከል በጋራ ውጤት ተኮር የሆኑ ተግባራትን ማስቀጠል የሚገባ መሆኑን  የወረዳው ብልፅግና ፓርቲ ምክትልና ፖለቲካ ዘርፍ ሀላፊ ወ/ሮ ሳምራዊት እምባዬ ገልፀዋል ።

#ኮልፌ_ወረዳ_11_ፓርቲ_ሚድያ

ጥር 28/2017 ዓ/ም

ባለፉት ሦስት ዓመታት የጠንካራ ፓርቲ ግንባታ ግቦችን ለማሳካት ታልመው የተፈጸሙ የፖለቲካና የአደረጃጀት ሥራዎች ፓርቲው፣ ከዕድሜው የቀደመ የውጤትና የዕድገት ምዕራፍ ውስጥ እንዲገኝ መታየቱ ተመላክቷል።

ከተፎካካሪ የፖለቲካ ፓርቲዎች ጋር በትብብርና በፉክክር መካከል ሚዛን በመጠበቅ የኢትዮጵያን የፖለቲካ ባህል ለመቀየር ያሳየነው ቁርጠኝነትም ለሌሎች ሀገራት ተሞክሮ እንደሚሆን አይተናል ሲል ፓርቲው ገልጿል።

ፓርቲው፣ በቅድመ ጉባዔ ኮንፈረንሶች እና በጉባኤ አማካኝነት ባካሄዳቸው ተከታታይ ውይይቶች ጠንካራ፣ ጤነኛና ውጤታማ ፓርቲ የመገንባት አጀንዳ ቋሚ ትግል የሚጠይቅ መሆኑን መገንዘቡንም አስታውቋል፡፡

የውስጠ ፓርቲ ዴሞክራሲን በማጎልበት፣ የአደረጃጀቶችን ሁለገብ የተጽዕኖ አድማስ በማስፋት፣ የአሠራር ሥርዓቶችን የበለጠ በማዘመንና የኢንስፔክሽንና የሥነ ምግባር ኮሚሽኖችን በየደረጃው ማጠናከር፤ እንደሚገባም ታምኖበታል ነው ያለው  ፓርቲው፡፡

ጉድለቶችና ብልሽቶችን የማረም ዐቅም ያለው፣ ሀገራዊ የመንግሥት ኢንሼቲቮችን በሐሳብ የሚመራና የሕዝብ ንቅናቄዎችን በብቃት የሚያስተባብር ጠንካራ ፓርቲ ለመፍጠር የጋራ አቋም መወሰዱንም ገልጿል፡፡

ፓርቲው፣ በሚቀጥሉት ሦስት ዓመታትም የአመራርን እና የአባላትን ብቃትና ጥራት በሥልጠናና በተከታታይ ውይይቶች በማሳደግ በአስተሳሰብና በተግባር ብልጽግና የሆኑ፣ የተሰጣቸውን ተልዕኮ በውጤታማነት እየፈጸሙ የሕዝቡን ሕይወት የሚለውጡ፣ በሥራና በመኖሪያ አካባቢያቸው የጠንካራ ዲስፕሊንና የመልካም ሥነ ምግባር መገለጫ የሆኑ፣ የኢትዮጵያን ሕልም እውን የሚያደርጉ የለውጡ ሞተር እንዲሆኑ በማድረግ በላቀ ውጤት የሚገለጽ ጠንካራ ፓርቲ ለመገንባት የሚሰራ መሆኑንም አስታቀዋል፡፡

ጠንካራ ፓርቲ ለመገንባት ውጤታማ የምዘናና የግምገማ ሥርዓት እንዲዘረጋ፤የሥነ ምግባርና የሞራል ዝቅጠት ተጠቂ በሆኑ አመራሮችና አባላት ላይ የማረም ተግባር እንዲከናወን፤አዳዲስ አባላትን የመመልመል ሥራ በጥራትና በብቃት እንደሚሰራም ነው ፓርቲው ያመላከተው፡፡

ይህንን ለማከናወንም ዘመኑን ማላመድ የሚያስችሉ የሐሳብና የታሪክ ውሕደት በመፍጠር፣ መዋቅራዊ ልህቀት በማረጋገጥ፣ የፖለቲካ ስክነትን እውን በማድረግና የውጤት ዘላቂነትን በቁርጠኝት ለመፈጸም ዳግም ቃል መግባቱንም ፓርቲው አስታውቋል፡፡

የኮልፌ ቀራንዮ ክፍለ ከተማ  "ህዝባዊ ሰራዊት ፥ቃላችንን ባህል እናደርጋለን፥ እኔ ለሀገሬ የሠላም ዘብ ነኝ"በሚል መሪ ቃል ለህዝባዊ የሠላም ሠራዊት የእውቅና ፕሮግራም በወረዳ 11 አስተዳደር  ተደረገ።

በፕሮግራሙ የወረዳው ብልፅግና ፓርቲ ጽ/ቤት ሃላፊ አቶ አበባው ምህረት አጭር ንግግር አድርገው የእለቱ የክብር እንግዳ መልዕክት እንዲያስተላልፉ ጋብዘዋል።

የኮልፌ ቀራንዮ ክፍለ ከተማ ብልፅግና ፓርቲ አደረጃጀት ዘርፍ ሀላፊ አቶ ወርቅነህ ሞርካ እንደገለፁት ፤ዛሬም እንደ ትላንቱ በህብረት ቆመን ጠላቶቻችንን ድል ከመንሳት እና ታሪክ ከመስራት የሚያግደን አንዳች ኃይል የለም!በማለት

የጥምቀት በዓል በሠላምና በድምቀት እንዲከበር ከፍተኛ አስተዋፅኦ ያበረከቱ አካላትን  በየደረጃው አመስግነዋል።

ከዚህ በፊት በርካታ የአደባባይና የሃይማኖት በዓላትን ያለ ምንም የፀጥታ ችግር የተወጣነው በጋራ በመስራት በመሆኑ ተጠናክሮ መቀጠል እንደሚገባ ገልፀዋል።

የጥምቀት በዓል በሰላም እንዲከበሩ አስተዋፅኦ ላበረከቱ የእምነት ተቋማት፣ የፀጥታ ኃይሎች፣ የሠላም ሠራዊት፣ አጎራባች ወረዳዎች፣ የህብረተሰብ ክፍሎች እና ተቋማት የምስጋና ምስክር ወረቀት በመስጠት እና የእራት ግብዣ በማድረግ ፕሮግራሙ ተጠናቋል።

እንኳን ደስ አላችሁ !

የኮልፌ ወረዳ 11 ሴቶች ህፃናት እና ማህበራዊ ጉዳይ ጽ/ቤት በ2017 ዓ.ም በ6ወር ተግባር አፈፃፀም በክ/ከተማው ካሉ 11 ወረዳዎች የ3ኛ ደረጃ በመያዝ የሰርተፊኬት ተሸላሚ ሆኗል። በድጋሚ!እንኳን ደሰ አላችሁ ደስ አለን!

#ኮልፌ_ወረዳ_11_ፓርቲ_ሚድያ

በኮልፌ ቀራንዮ ክፍለ ከተማ ወረዳ 11 አስተዳደር አጠቃላይ አመራር እየተሰሩ ያሉ የመንግስት ተግባራት ላይ ውይይት ተደርጓል ።

በወረዳችን እየተሰሩ ያሉ ተግባራት ስራ ዕድል ፈጠራ እና የሌማት ትሩፉት

በውይይቱም የመደበኛ ስራዎች አፈፃፀም በዝርዝር ተገምግመዋል።

በዚህም የመንግስትና ስራዎች በዋናነት

ስራ ዕድል ፈጠራ እና የሌማት ትሩፉት እየተሰሩ እንደሆነና በቀጣይም እነዚህን ጠንካራ ጎኖች እያስቀጠሉ መሄድ እንደሚገባ ተጠቁሟል።

በተጠቃሚነት ስራ ዕድል እና በሌማት ትሩፋቶች  ስራዎች አመራሩ በቀሪ ቀናት በትኩረት  እስከታች  ድረስ  በመስራት  የነበሩ  ጥንካሬዎችን   ማስቀጠልና ክፍተቶችን ማረም እንዲሁም የተቀመጡ አቅጣጫዎችን በጥብቅ  ዲሲፕሊን  መፈፀም  ያስፈልጋል  ተብሏል።

በመጨረሻም አመራሩ ወቅቱን የዋጀ አመራርነት በመስጠት የነዋሪውን ሁለንተናዊ ተሣትፎና ተጠቃሚነት በማረጋገጥ  የበኩላቸውን ሚና ለመወጣት በቁርጠኝነት መሥራት እንዳለባቸው ተገልፆ  የቀጣይ አቅጣጫም ተቀምጧል።

#ኮልፌ_ወረዳ_11_ፓርቲ_ሚዲያ

ጥር 18/2017 ዓ.ም

#ከቃል_እስከ_ባህል!

የኮልፌ ቀራንዮ ክፍለ ከተማ ወረዳ 11 የስድስት ወራት እቅድ አፈፃፀምን አስመልክቶ ከወረዳ አጠቃላይ አመራር ጋር በጋራ ገምግሟል።

በዚህም ወጣቶችንና ሴቶችን ከስራ እድል ተጠቃሚ ከማድረግ፣ የከተማ ግብር ተግባራት፣የፓርቲ ስራዎች፣ ብሎም ሌሎች በስድስት ወራት የተከናወኑ ስራዎች በስፋት በመድረኩ ቀርቧል።

መድረኩን የመሩት የወረዳው ብልፅግና ፓርቲ ጽ/ቤት ሃላፊ አቶ አበባው ምህረት

እንደተናገሩት በርካታ ተግባራት ከወረቀት ባለፈ እውን እንዲሆኑ በተደረገው ጥረት የአመራሩ ሚና እጅግ የጎለ ነው ሲሉ ተናግረው እንደ ወረዳ በግማሽ አመት አፈፃፀም የታዩ ክፍተቶችን በቀጣይ ወራት የማካካሻ እቅድ አውጥተን መንቀሳቀስ ይገባናል ብለዋል።

አክለውም ይህ ተግባር በጊዜ የለኝም ስሜት መጓዝ ካልቻልን ያሰብነው ህልም ላይ መድረስ ከባድ ያደርግብናል ስለዚህ ሁሉም በእኩል ስሜት ተግባራትን ለቅሞ መስራት ይጠበቅበታል በማለት አሳስበዋል።

የወረዳው ም/ስራ/አስ/እና ስራ ክህሎት ጽ/ቤት ሃላፊ አቶ ቶፊቅ በድሩ በበኩላቸው እንደ ስራ ክህሎት ጽ/ቤት በርካታ ስራዎችን መስራት ችለናል ነገር ግን በሚፈለገው ልክ ውጤት ማምጣት አልቻልንም።  ስለዚህ ችግሮቻችንን በመለይት ስትራቴጂ ቀይሰን ውጤት ማምጣት አማራጭ የሌለን ጉዳይ ነው ተብለዋል።

በመጨረሻም ሁሉም አመራር በቁጭት ተግባራትን በውጤት ማጀብ እንደሚገባ በማስቀመጥ ስብሰባው ተጠናቋል።

#ኮልፌ_ወረዳ_11_ፓርቲ_ሚዲያ

ጥር 15/2017 ዓ.ም